Haur eta nerabeentzako bideo-jokoak; Emoki Elkartearen gomendio eta analisia

Personajes de videojuegos

Bideo-jokoak haur eta nerabeek gehien kontsumitzen duten entretenimendu-mota bihurtu dira. Beste sormen-adierazpenekin gertatzen den bezala (zinema, literatura, telebista, animazioa, musika, komikiak …), eduki eta formatu ugari daude, eta, beraz, funtsezkoa da adin goiztiarretatik beren barne-garapenean ahalik eta onuragarrien direnak hautatzeko eta gozatzeko gai izatea.

Lehen eta bigarren hezkuntzako ikasleekin egiten ditugun tailerretan, bideo-joko ezberdinetan bizi dituzten esperientzietatik sortutako hainbat arazorekin topatzen gara; modu kritikoan baloratzeko gai ez diren jokabideak eta edukiak kontsumitu, normalizatu eta barneratzen dituzte. Jolasten dituzten bideo-joko mota ezberdinei buruz eta horiek kontsumitzen dituzten moduarekiko gogoeta egiten ikasi behar dute, bideo-jokoetan ikusten eta bizitzen dutena nola eragiten dieten ulertzeko.

Bideo-jokoak ikuspegi kritiko hirukoitza batetik aztertuz           

Bideojokoen erabilera egokiagoa eta hauen barneko esperientziaren kudeaketa aproposagoa sustatzeko, Emoki Elkartetik guk geuk jokatu, aztertu eta ebaluatutako bideo-jokoei buruzko fitxa tekniko batzuk partekatzen hasiko gara.

Ekarritako joko bakoitzerako deskribapen labur bat egingo dugu nolakoa den, ekartzen dituen onurak eta ze sistematan (bideo-jokoen kontsolak, ordenagailua, mugikorrak …) eskuragarri dauden azalduz. Azalpen hau emateaz gain, hezkidetza eta emozioen ikuspuntutik aztertuko ditugu, eta, horrez gain, teknologiak berak eta atzean dagoen industriak aisialdi ludiko eta gero eta sozialago honen bitartez eragiten dituzten ondorioak ere azpimarratu nahi ditugu.

Neurrigabeko erabilera, gehiegizko gastuak, arrisku ergonomikoak, online desinhibizio efektua (etorkizunean beste artikulu batean azalduko duguna), indarkeria, pribatutasun falta, komunitate toxikoak, emozioen kudeaketa desegokia, laguntzeko eta ikuskatzeko zailtasunak, indarkeria sexista edota genero estereotipoak izango dira gure blogean partekatzen hasiko garen fitxa tekniko hauekin borrokatzen lagundu edo saihestu nahi ditugun erronka eta mehatxuetako batzuk.

Aukera dibertigarri eta osasuntsu ugari

Kontzeptu, prozedura eta, batez ere, jarrerak eta baloreak ikasteko ezaugarri ezin hobeak dituzten joko asko daude. Emokitik familiei beren seme-alabentzat egokiagoak eta onuragarriagoak diren jolasak aukeratzen lagundu nahi diegu; bide batez, haur eta nerabeen kulturaren, aisialdiaren eta harremanen alde gero eta garrantzitsuago hau ezagutzera emanez.

Gure balorazioa egiteaz gain, fitxa teknikoetan PEGI sistemak planteatutako bideo-jokoei ematen dien sailkapena eta kategorizazioa ere sartuko dugu. PEGI sistema (Pan European Game Information) Europako bideo-jokoen industriak diseinatutako autorregulazio-mekanismoa da, kontsumorako adin egokiari buruzko informazio orientagarria emateko.

PEGI sistemak erabiltzen duen ikono deskribatzaileak

PEGI sistema bi ikono deskribatzailek osatzen dute, bata gomendatutako adinari buruzkoa, eta bestea, berriz, aztertu daitekeen eduki espezifikoari buruzkoa. Informazio-logotipoen diseinua bide-segurtasuneko argietan oinarritzen da, errazago eta bisualago interpretatuz. Adin-zigiluek hitz piktografikoak erabiltzen dituzte jokoaren edukiari buruz.

Bideo-jokoak sozializatzeko, bizitzeko, sentitzeko eta pentsatzeko guneak bezala

Egun, Internet, sare sozialak eta beste aplikazio berri batzuk gero eta lehenago erabiltzen hasten dira, eta batez ere 7 eta 12 urte arteko adin-tartean, bideo-joko sozialetara zuzentzen dute arreta. Horrelako bideo-jokoek duten eragina sekulakoa da eta, beraz, azterketa handiagoa eskatzen dute. Bereziki azpimarragarria da haurrek hor beren burua ezagutzera emateko duten modua, eta horrek eragina du bere irudia, nortasuna eta errealitatea ikusteko garaian, bai beste pertsona batzuei dagokienez, bai beren inguruari dagokienez.

Fornite egun haur eta nerabeek gogokoen duten bideo-joko soziala

Sozializazio testuinguru berri hauetan, mundu fisikoan gertatzen den bezala, neska-mutilen egoera ezberdina da. Bai sare sozialetan, baita bideo-jokoetan, erabilpenaren aldetik desberdintasun handiak daude, eta estereotipoak oso markatuta agertzen dira kontsumitzen dituzten edukietan. Oro har, emakumeen irudikapena bideo-jokoen pertsonaietan sexualizatuta dago, janzkera eta itxura oso zehatzen bidez. Era berean, Internet bidez joka daitezkeen komunitateetan, neska eta emakumeen eskubideak urratzen dituen kultura maskulinizatua eta toxikoa ikus daiteke, era guztietako eraso sexisten bidez.

Bideo-jokoen munduak eskaintzen dituen aukera guztiak ezagutzea eta horietan gertatzen diren dinamika eta elkarrekintza desberdinak ulertzea, familiek beren seme-alabak hazten ari diren espazio digital berri honetan ere izan behar duten hezkuntza-lana erraztuko du.

Gurasotasun-digitala-mendekotasuna-sare-sozialak-bideo-jokoak-Oñati-Emoki-

Gurasotasun digitalak dakartzan erronkak lantzeko formakuntza hirukoitza Oñatin

Hezkidetza, hezkuntza emozionala eta teknologiaren eragina Oñatiko guraso talde batekin...

SEGUR-ESKURA-FAMILIAN

Zibersegurtasuna: lankidetza eta konpromisoa eskatzen dituen erantzukizun partekatua

Gero eta arrisku gehiago daude Interneten, eta maizago gertatzen dira:...

Leave your comment